Deputat: 'Bir qrup nəşəli, içkili, hakimiyyətdən narazı adam baş qaldırmışdı, həll etdik'

25 Dekabr 2016, 00:06
AAA

"Limiti də keçəndə aydındır ki, dövlətin pulu ödənməlidir. Burda hakimiyyətin günahı yoxdur. Günah əhalidədir”.

Dekabrın 24-də bir qrup rəsmi Biləsuvarda məskunlaşan məcburi köçkünlərlə görüşüb. Görüşə "Azərişıq” ASC-nin müavinləri, Cəbrayil rayon icra hakimiyyətinin başçısı və 120 saylı Cəbrayıl-Qubadlı seçki dairəsindən seçilmiş deputat Astan Şahverdiyev qatılıb. Millət vəkilinin AzadlıqRadiosuna verdiyi bilgiyə görə, tərəflər razılığa gəliblər.

Hakim Yeni Azərbaycan Partiyasının üzvü olan Astan Şahverdiyevin müsahibəsini təqdim edirik:

-Problem həll olunub. Bir qrup nəşəli, içkili, hakimiyyətdən narazı adam baş qaldırıb. Mən gəldim yerində araşdırdım məsələni. "Azərişıq”-ın müavinləri, Cəbrayılın icra başçısı da burda idi. Danışıb konsensusa gəldik.

-Necə həll ediləcək problem? Borc silinəcək və ya qismən ödəniləcək?

-Məcburi köçkünlərə güzəştlər olacaq. Borc silinəcək. Təzə məsələlər qaldırmışıq. Camaatın kerosinlə təmin edilməsini istədik. Bu, evlərın qızdırılmasından ötrü lazımdır. Bu qış çox sərt qışdır. Əhaliyə kömək etmək lazımdır. 

-Astan müəllim, həmin qəsəbələr qazlaşdırılmayıb, bəlkə problemin həllinə burdan başlamaq lazımdır?

Bu rayonun ətraf kəndləri də hələ qazlaşdırılmayıb, ona görə birdən-birə, birbaşa… Qazlaşdırma o kəndlərdən başlanmalıdır. Azərbaycanda məcburi köçkünlərin yaşadığı hər yer qazlaşdırılıb, bir bura qalıb.

-Maraqlandınızmı, əhali niyə işıq pulunu verə bilmir? Yəqin onların da səbəbi var.

-Burda əhalinin də günahı var. Ayda adambaşına limit qoyulub. Bunlar da limiti keçirlər. Limiti də keçəndə aydındır ki, dövlətin pulu ödənməlidir. Burda hakimiyyətin günahı yoxdur. Günah əhalidədir. 

-Hər halda, əhali pulunu ödəmirsə, bunun səbəbi var. Bəlkə işləri yoxdur, buna görə elektrik enerjisinə borc bu qədər çox yığılıb? Üstəlik də həmin qəsəbələr qazlaşdırılmayıbsa, elektrik enerjisi sərfiyyatında limiti aşmaq normal deyilmi?

-Ödəməlidirlər, amma pulları yoxdur deyə, ödəyə bilmirlər. 

-Belə çıxır işsizdirlər. Bəlkə də ilk növbədə işlə təmin etmək lazımdır onları?

-Bu gün konsensusa gəldik də. "Azərişıq”ın müavinləri gəlmişdi. Orda uzun söhbətlər getdi, qərara gəlindi ki, insanlar işıqsız qalmamalıdır. Burda 11 qəsəbə var, 22 min də əhali. Onların istilik mənbəyi işıqdır. 

-Bir də dediniz ki, bir qrup nəşəli, içkili adam etirazlara qalxıb…

– Mən nəşəli deməzdim, onların içində sərxoşlar da var, cəmiyyətin tör-töküntüsü də. Azərbaycan cəmiyyəti haqda Rusiyada çox pis fikir formalaşıb, səbəbi bilirsiniz nədir? Mən bunun səbəbini araşdırmışam. Rusiyaya gedənlər kimlərdir? Bizim cəmiyyətin "otxodları”dır. Gedib bazarda işləyənlər. İndi burda baş qaldıranlar da… Hər yerdə belə tör-töküntülər var. Amma bütünlükdə cəbrayıllılar, burda 11 qəsəbədə yaşayan 22 min cəbrayıllı dövlətə, dövlətçiliyə sadiq insanlardır, prezidentə sadiq insanlardır. Prezidentin sosial dayağı əsas bu insanlardır.

-Bəs etirazlar zamanı saxlanılanlarla maraqlandınızmı? Onların aqibəti necə olacaq?

-O saxlanılanlar ən "yarıy” (ruscadan tərcümədə "azğın”, "qudurğan” deməkdir – red.) adamlardır, mən bir az rus təhsilliyəm, Azərbaycan dilində qarşılığını tapa bilmirəm. Bunlar həddən artıq aktivdirlər bu işlərdə, cəmiyyəti dövlətçiliyə qarşı çağırıblar. Bu adamlar saxlanılıblar. Onlarla bağlı qaldırılan iş davam edəcək. Dövlətə qarşı şüarlarla çıxış edənlər öz cəzalarını alacaqlar. Dövlətə, dövlətçiliyə qarşı çıxış etmək olmaz. Azərbaycan cəmiyyətinin qüvvəsi bilirsiniz nədədir? Dövlətə xidmət etməkdə.

-Etirazçılar arasında yaralanan olubmu? Rəsmi məlumatda ancaq polislərin yaralandığı bildirilir. 

-Olub. Amma əksər zərərçəkən, yaralananlar polislərdir. Mən bura gəldim nələr gördüm. Azğınlaşmış kütlə bir polis postunu keçib, iki polis postunu keçib… Onların içində hər cür adam olub.

-Astan müəllim, bu adamlar yəqin məcbur qalaraq etiraza qalxıblar?

-Məcbur qalmayıblar. Onlar hamısı bir mərkəzdən idarə olunublar. Məcburi köçkünlər cəmiyyətin ən zərif təbəqəsidir. Bunların heysiyyəti ilə oynamaq olmaz.

Dekabrın 22-də axşam saatlarında Biləsuvarda məskunlaşan məcburi köçkünlər etiraz aksiyaları keçiriblər. Cəbrayıl rayonundan olan köçkünlər qəsəbələrə verilən elektrik enerjisinin tez-tez kəsilməsinə etiraz ediblər. Əraziyə polis qüvvələri cəlb olunub. Vətəndaşlarla polis arasında qarşıdurma baş verib.

Prokurorluq və Daxili İşlər Nazirliyinin birgə məlumatındaaksiya zamanı polisə müqavimət göstərildiyi, buna görə cinayət işi açıldığı bildirilir. Rəsmi məlumatda 9 polis əməkdaşına daş və ağac parçaları ilə müxtəlif dərəcəli bədən xəsarətləri yetirildiyi, 1 xidməti avtomobilin şüşələrinin sındırıldığı bildirilir.

Aksiyada fəallıq edən şəxslər saxlanıblar, onlar barəsində Baş Prokurorluğun Ağır Cinayətlərə dair İşlər üzrə İstintaq İdarəsi-ndə Cinayət Məcəlləsinin 186.2.2-ci (Əmlakı qəsdən məhv etmə və ya zədələmə), 233-cü (İctimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və 315.2-ci (Xidməti vəzifələrini yerinə yetirməsi ilə əlaqədar hakimiyyət nümayəndəsinə qarşı həyat və sağlamlıq üçün təhlükəli olan zor tətbiq etmə) maddələri əsasında cinayət işi açılıb.

Amma sakinlərin AzadlıqRadiosu-na deməsinə görə, olaylar zamanı rəsmi açıqlamada deyildiyi kimi, 9 yox, 1 polis nəfəri xəsarət alıb.

Atılan daş parçası İmişlidən gətirilmiş polis nəfərlərindən 25 yaşlı Elvin Əsədli-nin dəbilqəsinə dəyib. Dəbilqənin qırılmış şüşəsinin onun gözünə xəsarət yetirdiyi deyilir. Polis nəfərinin gecə ikən Bakıya aparıldığı, xəstəxanaya yerləşdirildiyi bildirilir. Məcburi köçkünlər mülki şəxslərdən də xəsarət alanların olduğunu deyiblər.

 


Oxunma sayı : 15494

SON XƏBƏRLƏR
Daha bir serial sevişmə səhnələrinə görə cəzalandırıldı - 10 Dekabr 2017, 21:22
Ələkbərovun səhmləri müsadirə olunacaq - 10 Dekabr 2017, 20:49
Səidə Natavanla Dadonun boşanmasından danışdı: "Hər şeyi olduğu kimi deyəcəm" - 10 Dekabr 2017, 20:30
Bakıda ağır qəza: Avtomobil iki yerə bölündü – FOTO - 10 Dekabr 2017, 19:59
“İsrail işğalçı bir terror dövlətidir” — Ərdoğan - 10 Dekabr 2017, 19:32
Nazim İbrahimovun qızı nişanlandı - Fotolar - 10 Dekabr 2017, 13:58
Azərbaycanda dəhşətli qəzada ölənlərin ikisi həkim imiş - Adlar - 10 Dekabr 2017, 12:30
Xocalıda 4 yaşında əsir düşən Mehdi evləndi - Foto - 10 Dekabr 2017, 12:23
Rövşanə radioaparıcılarını tənqid etdi: "Bir az kişi səsi ilə danışın" - 10 Dekabr 2017, 11:54
Araz Abdullayev gözəl qolla Kipr klubuna qələbə qazandırdı - VİDEO - 10 Dekabr 2017, 11:30
61 yaşlı qadın faciəvi şəkildə öldü - 10 Dekabr 2017, 11:28
Bakı metrosunda tanınmış rejissorun halı pisləşdi - Reanimasiyaya yerləşdirilib - 10 Dekabr 2017, 10:33
“Eurovision-2017”-nin qalibinə ürək köçürüldü - 10 Dekabr 2017, 10:19
London polisi Heydar Paşazadənin şərab mağazasını bağladı - 09 Dekabr 2017, 22:49
“Tramp dodaqlarımdan öpmək istədi” - Məşhur aparıcı sirri açdı - 09 Dekabr 2017, 22:23
Azadlıq prospektində tıxaca səbəb olan 2800-dən çox sürücü cərimələnib - FOTO - 09 Dekabr 2017, 21:58
Şəkidə toydan gələn hərbçilər yol qəzasına düşüb: Ölənlər var - 09 Dekabr 2017, 21:37
"Hər yerim orijinaldır" deyən Hadisənin yalanı üzə çıxdı - 09 Dekabr 2017, 21:15
Qurban Qurbanov mükafatına qovuşdu - Fotolar - 09 Dekabr 2017, 20:49
Natavanla Dado barışıb? - 09 Dekabr 2017, 20:19
Bakıda tikilməkdə olan bina uçub - FOTO - 09 Dekabr 2017, 20:06
“Bakı Metropoliteni”ndə ixtisarlar başladı - İşçilər etiraz edir - 09 Dekabr 2017, 19:51
"Gənclik Mall"un icraçı direktoru ziyarətçiləri hədələdi - FOTOLAR - 09 Dekabr 2017, 18:13
Aygünün ərə getdiyi şəxsin kimliyi açıqlandı: 150 minlik orkestr gəlir - 09 Dekabr 2017, 14:49
İlhamə Quliyevanın oğlunun həbsi təsdiqləndi - RƏSMİ - 09 Dekabr 2017, 12:35
Prezidentin icra başçılarına verdiyi vaxt bitir - Kimlər vəzifədən gedəcək? - 09 Dekabr 2017, 12:32
Bakıda özünü binadan atan qız tələbə imiş - FOTO - 09 Dekabr 2017, 11:26
“Buta Airways”-dən şikayətlər çoxalır — Şirkətdən unikal cavab - 09 Dekabr 2017, 11:14
İlhamə Quliyevanın gəlini ərinin həbs xəbərindən danışdı - 09 Dekabr 2017, 11:07
Bakıda gənc qadın əri tərəfindən bıçaqlandı - 09 Dekabr 2017, 10:26
"“Oturaq qaraçı”lar 7-ci sinfə qədər təhsil alırlar" - İcra Hakimiyyəti - 09 Dekabr 2017, 10:14
Bakıda gənc qızı maşın vurdu - 09 Dekabr 2017, 10:01
İlhamə Quliyevanın oğlu həbs edildi - 08 Dekabr 2017, 23:31
"Toylardan qazandığım pulu sizə xərcləyirəm ki, tanınasız" - Aşıq Namiq - 08 Dekabr 2017, 23:19
“Danışıqlar apardığımız bir neçə futbolçu var” - Qurban Qurbanov - 08 Dekabr 2017, 22:41
4 qızını və arvadını öldürən ata danışdı: "Məni saymırdılar" - 08 Dekabr 2017, 22:29
Varikoz xəstəliyindən əziyyət çəkənlər mütləq oxusun - Həkim məsləhəti - 08 Dekabr 2017, 22:21
Tovuzda orta məktəb yandı - 08 Dekabr 2017, 22:01
Rusiya və Ermənistan XİN başçıları Qarabağı müzakirə etdilər - 08 Dekabr 2017, 21:43
Janna Bakıda tutuldu - 08 Dekabr 2017, 21:17
Məryəmdən misirli sevgilisinə ərə gedəcəyi iddialarına CAVAB - 08 Dekabr 2017, 20:53
İrana dollar aparan azərbaycanlı tutuldu - 08 Dekabr 2017, 20:19
BMT nümayəndələrinə hücum - 14 ölü, 40 yaralı - 08 Dekabr 2017, 20:00
Səsdən sürətli təyyarə hazırlanacaq - 08 Dekabr 2017, 19:43
Emin Ağalarov Urqantın qonağı oldu – VİDEO - 08 Dekabr 2017, 19:30
Bütün xəbərlər >>


Ünvan: Bakı şəhəri, Zərifə Əliyeva küçəsi 32, Ofis 10
Bizim email ünvanımız: [email protected]
Əlaqə nömrəsi
012-493-13-65
077-270-01-10