"Bakı daxmalardan təmizlənəcək" - İlham Əliyev

11 Yanvar 2017, 10:15
AAA

 

"Bakı daxmalardan, "naxolstroy” adlandırılan qanunsuz binalardan təmizlənəcək”.

Bunu Azərbaycan Prezidenti İlham Əliyev yanvarın 10-da Nazirlər Kabinetinin 2016-cı ilin sosial-iqtisadi inkişafının yekunlarına və qarşıda duran vəzifələrə həsr olunan iclasında yekun nitqində deyib.

Dövlətimizin başçısı ölkəmizin 2017-ci ildə uğurla inkişaf edəcəyinə əmin olduğunu bildirib:

"Bütün sosial proqramlar icra ediləcək və iqtisadi inkişafla bağlı çox önəmli addımlar atılacaq.
2016-cı ilin iqtisadi göstəricilərini təhlil edərkən biz görürük ki, ümumi daxili məhsulun azalmasının əsas səbəbi dünya bazarlarında neftin qiymətinin aşağı düşməsidir və bundan irəli gələn dövlət investisiyalarının azalmasıdır.

Ən çox tənəzzül inşaat sektorunda müşahidə olunurdu. İl ərzində görülmüş tədbirlər nəticəsində inşaat sektorunun canlandırılması istiqamətində önəmli addımlar atılmışdır. 

2017-ci ildə də inşaat sektorunun inkişafı ilə bağlı lazımi tədbirlər görüləcək. Beləliklə, əminəm ki, Azərbaycanda bu il inşaat sektoru inkişaf edəcək. Bir çox layihələrin icrası nəzərdə tutulur.

Onların arasında xüsusilə Mənzil İnşaatı Dövlət Agentliyinin fəaliyyətini qeyd etmək istərdim.
Keçən ay Yasamal rayonunda Mənzil İnşaatı Dövlət Agentliyinin birinci layihəsinə start verildi. Əminəm ki, bu layihə uğurla icra ediləcək. Layihə çərçivəsində yeni bir şəhərcik yaradılacaq, hündürmərtəbəli 29 yaşayış binasının tikintisi nəzərdə tutulur. 

Məktəb, uşaq bağçası tikiləcək, infrastruktur yaradılacaq, yollar çəkiləcək. İki minə yaxın mənzil tikiləcək və güzəştli şərtlərlə vətəndaşlara, xüsusilə maddi imkanları məhdud olan ailələrə uzunmüddətli kreditlə veriləcək”.

İlham Əliyev qeyd edib ki, bununla yanaşı, Bakı şəhərində köhnəlmiş mənzil fondunun aradan qaldırılması və yerində müasir binaların tikintisi prosesinə də start verildi:

"Əfsuslar olsun ki, şəhərimizin müxtəlif yerlərində vaxtı keçmiş, yöndəmsiz, bəzi hallarda qəzalı vəziyyətdə olan binaların sayı kifayət qədər çoxdur. Onların yerində yeni, müasir yaşayış binalarının tikintisi artıq başlanıb. Birinci layihə keçən ilin sonlarında Sabunçu rayonunda icra edildi və yeni gözəl bina istifadəyə verildi. Binanın açılışında şəxsən özüm iştirak etmişəm.

Ona görə ki, buna çox böyük diqqət göstərirəm və hesab edirəm, bu birinci layihə rəmzi xarakter daşıyır. Bu, böyük yeniliyə start verən bir addımdır. Bu gün tikilməkdə olan, yaxuddakı sənədləri hazırlıq mərhələsində olan hündürmərtəbəli 60 yaşayış binasının mövcudluğu göstərir ki, bu proses şəhərimizdə geniş vüsət almışdır. 

Söhbət ondan gedir ki, yararsız, qəzalı vəziyyətdə olan evlərin, binaların yerində hündürmərtəbəli müasir binalar tikilsin. Köhnə mənzillərdə yaşayan vətəndaşlar müvəqqəti olaraq kirayədə qalacaqlar və onlara kirayə pulu veriləcək. 

Yeni binalar tikiləndən sonra həmin vətəndaşlar yeni binalarda, Sabunçu rayonundakı kimi daha da böyük mənzillərə sahib olacaqlar. Orada bəzi vətəndaşların mənzil sahəsi iki dəfə böyükdür. Həm də ki, onlar təmirli və gözəl mənzillərdə yaşayacaqlar.

Bu layihənin, bu təşəbbüsün çox böyük mənası var. Çünki ilk növbədə biz köhnəlmiş mənzil fondunu aradan götürürük. Digər tərəfdən, yeni binalar mövcud binaların yerində tikiləcək və beləliklə, yeni yerlərə ehtiyac olmayacaq. Mən bunu xüsusi qeyd etmək istəyirəm ki, bundan sonra Bakı şəhərində və digər böyük şəhərlərdə boş yerlərin ayrılmasına çox ciddi nəzarət ediləcək”.

Prezident bildirib ki, əgər sahibkarlar yaşayış binası tikmək istəyirlərsə, getsinlər vətəndaşların razılığını alsınlar, onların bütün məsələlərini həll etsinlər, kompensasiya ödəsinlər, yaxuddakı kirayə vəsaiti versinlər və o yerlərdə şəhər planına uyğun şəkildə, bütün memarlıq normalarına riayət etməklə binalar tiksinlər. Yanaşma belə olmalıdır və çox ciddi nəzarət olmalıdır. Müvafiq göstərişlər, qərarlar verilib:

"Biz keçən ay "Ağ şəhər” layihəsinin beş illiyini qeyd etmişik. Beş il ərzində şəhər içində şəhər yaratmışıq. Dağılmış, neftlə çirklənmiş "Qara şəhər” ərazisində indi ekoloji təmiz, müasir layihə artıq icra edilir. Onun bir hissəsi artıq icra edilib. Növbəti mərhələdə "Ağ şəhər” ərazisində əlavə 60 yaşayış binası da tikiləcək.

Beləliklə, mən üç layihəni qeyd etdim. Üç layihə çərçivəsində şəhərimizdə hündürmərtəbəli 150 yaşayış binası tikiləcək. Bundan əlavə, indi onlarla tikinti meydançasında işlər gedir. Beləliklə, biz inşaat sektorunu canlandıracağıq. Bu, bizə nə verəcək? İlk növbədə, mənzil fondu yeniləşir. 
Digər tərəfdən, şəhər daxmalardan, "naxolstroy” adlandırılan qanunsuz binalardan təmizlənəcək. Şəhərin görkəmi daha da yaxşılaşacaq.

Tikinti materialları sektoru canlanacaq. Biz artıq böyük bir sənaye sahəsini yaratmışıq. İnşaat materiallarının bir çoxu Azərbaycanda istehsal olunur. Yəni, burada yerli materiallardan söhbət gedir. 

İdxaldan asılılıq böyük dərəcədə azalıb. Bu, tikinti materialları sektorunun da inkişafına xidmət göstərəcək. Təkcə sadaladığım layihələrin icrası nəticəsində minlərlə, on minlərlə yeni iş yeri yaradılacaq. 

Biz bilirik ki, keçən il bir neçə min iş yeri ixtisar olunub, xüsusilə inşaat sektorunda. Qeyd etdiyim kimi, inşaat sektorunda tənəzzül olmuşdur. Ona görə, biz bir neçə hədəfi güdmüş oluruq və şəhərimizin gözəlləşməsi, abadlaşması prosesi daha da sürətlə gedəcək. Bakı şəhəri indi dünyanın ən gözəl şəhərlərindən biridir.

Bunu hamı etiraf edir. Mən istəyirəm ki, Bakının hər bir guşəsi, hər bir yeri, hər bir mikrorayonu şəhərin mərkəzində olan mənzərəyə uyğun olsun və biz buna nail olacağıq”.

Dövlət başçısı vurğulayıb ki, digər inşaat layihələrinin icrası da nəzərdə tutulur: "Xüsusilə Azərbaycan Dövlət Akademik Milli Dram Teatrının arxasındakı ərazidə təmizlik, köçürmə işlərinin birinci mərhələsi başa çatıb. O yerlərdə yaşayış binaları tikilməyəcək. O yerlərdə ictimai yerlər yaradılacaq.

Yeni yol infrastrukturu yaradılacaq. Bu il ərzində artıq təsdiqlənmiş layihə tam icra edilməlidir. Biz yeni, böyük bir ictimai parkı şəhər sakinlərinə hədiyyə edəcəyik. Həmçinin ən müasir, geniş yol infrastrukturu da yaradılacaq.

Eyni zamanda, bizim tarixi, dini abidəmiz olan Təzəpir məscidinin mənzərəsi tam fərqli olacaq. Təzəpir məscidinin qabağında böyük park yaradılacaq, ətrafı abadlaşdırılacaq. Beləliklə, həm məscidə giriş asanlaşacaq, eyni zamanda, kənardan da baxanda bizim tarixi, dini abidəmizin əzəməti daha da gözəl görünəcək.

İnşaat sektorunun inkişafı bütün bölgələrdə də nəzərdə tutulmalıdır. Bölgələrdə, şəhərlərdə hündürmərtəbəli binaların, sənaye zonalarının tikintisi prosesi getməlidir. Həm dövlət öz dəstəyini göstərəcək, həm də təbii ki, özəl sektor da burada fəal olmalıdır. 

Bununla bərabər, mən xüsusilə sahibkarlara müraciət edirəm, bax, dediyim layihələr çərçivəsində çox böyük işlər görüləcək. Ona görə, biz özümüzü hələ ki, hansı inşaat materialları ilə təmin edə bilmirik o sahələr yaradılmalıdır.

İndi bizim İqtisadiyyat Nazirliyimizdə bütün məlumatlar var. Biz bir çox növlər üzrə inşaat materialları ilə özümüzü təmin edirik, bəzi malları idxal edirik. Bax, o malların istehsalı Azərbaycanda qurulmalıdır, həm idxaldan asılılıq azalacaq, həm də ki, özəl sektor, iş adamları buradan mənfəət götürəcəklər”.


Oxunma sayı : 4256

Loading...
SON XƏBƏRLƏR
Gürcüstan hökuməti Azərbaycan prezidentinə təşəkkür edib - 21 Avqust 2017, 21:16
Hacıqabul sakini avtomobilin altında qalaraq ölüb - 21 Avqust 2017, 20:22
ATV-nin məşhur serialları efirə qayıdır - FOTOLAR - 21 Avqust 2017, 19:09
Restoran sahibi namaz qıldığı üçün ofisiantı işdən qovdu: "Bura namaz qılmaq yeridir?" - 21 Avqust 2017, 18:31
"Pedofiliyaya meyli olan bir şəxsin fərqinə varmaq olduqca çətindir, səbəb..." - 21 Avqust 2017, 18:14
“Mən də sizi çox istəyirəm” - Prezidentin sakinlərlə səmimi dialoqu - 21 Avqust 2017, 18:06
“Neftçi”dən daha bir antirekord - 21 Avqust 2017, 17:57
Ali məktəblərin boş qalan plan yerlərinə müsabiqənin nəticələri açıqlandı - 21 Avqust 2017, 17:51
Rəşad Məcid qısqanılır, hər kəs kimi olmadığı üçün... - 21 Avqust 2017, 17:36
Əsgərlikdən gəlib sevdiyi qızı kimsəsiz binaya apardı və... - Bakıda inanılmaz hadisəsi - 21 Avqust 2017, 17:17
Elnurun yeni klipi izlənmə rekordu qırır - VİDEO - 21 Avqust 2017, 17:14
"Biz tərəfdə tumanla şəkil çəkdirməyən kişilərə pis baxırlar" - Nadir - 21 Avqust 2017, 17:11
İt dişlədiyi üçün ölən 5 yaşlı Zeynəbin həkimi cəzalandırıldı - Araşdırma başlayıb - 21 Avqust 2017, 17:01
İcra Hakimiyyəti mərkəzi bazarı bağladı: - Ticarətçilərlə qarşıdurma - 21 Avqust 2017, 16:57
Daha bir ANS-çi ARB-də veriliş aparacaq - 21 Avqust 2017, 16:55
"Abşeron" Gənclər Şəhərciyində qaz kəsildi, "Akkord" şirkətin pulunu vermir - 21 Avqust 2017, 16:54
“Ərzaq məsələləri həllini tapmalıdır” - Prezident - 21 Avqust 2017, 16:52
Azərbaycanda mürəbbə festivalı keçiriləcək - 21 Avqust 2017, 16:47
"Məni bu hala “ElMed” klinikasında saldılar" - Faytonçu Nazim adları açıqladı - 21 Avqust 2017, 16:31
Azərbaycanda sahibsiz itlər axtalanacaq: Qərar verildi - 21 Avqust 2017, 16:31
Azərbaycanlı azyaşlı uşaqlarını oğurlayıb Bakıya yola düşdü - 21 Avqust 2017, 16:18
Elza Seyidcahan: "Gəl öp məni, məşhur olaq…" - 21 Avqust 2017, 16:13
İlham Əliyev FHN-ə Gürcüstanla bağlı tapşırıq verdi - 21 Avqust 2017, 16:01
"Gələcəyə baxış” Avropaya İnteqrasiya İctimai birliyi Mingəçevir köçkün şəhərciyində tədbir keçirib - 21 Avqust 2017, 15:42
Bakıda kişi erotik şəkilləri ilə şantaj edildi: "Pulu gətirməsən, paylaşacam" - 21 Avqust 2017, 15:28
Bakıda Rusiya səfirliyinin avtomobili qəzaya düşüb - 21 Avqust 2017, 15:26
Bu da «Bozbaş pictures»in ağsaqqalının nişanlısı — FOTO - 21 Avqust 2017, 15:23
Prezidentdən icra başçısı ilə bağlı - Sərəncam - 21 Avqust 2017, 15:14
“Azərbaycanda öz maşınına bu elanı yazanlar cərimələnəcək” – 50-2000 AZN - 21 Avqust 2017, 15:04
Arvadından şübhələnən kişi görün nə etdi: Yataq otağına səsyazma aparatı qoydu və ... - 21 Avqust 2017, 14:56
Aygün Kazımova gənc oğlanla yataqda - FOTO - 21 Avqust 2017, 14:50
İspaniyanın "Marka" qəzeti: “Qarabağ” tabe olmadığı ölkəni təmsil edir - FOTO - 21 Avqust 2017, 14:42
Ramil Usubov onları işdən çıxardı - Əmr - 21 Avqust 2017, 14:38
Rusiyalı idmançını döyə-döyə öldürən azərbaycanlı Anar kimdir? - FOTOLAR - 21 Avqust 2017, 14:11
"Kopenhagen" - "Qarabağ" matçının hakimləri bəlli oldu - 21 Avqust 2017, 13:56
Könül Xasıyevaya 70 min "pul atan" müğənni barədə - Həbs qərarı - 21 Avqust 2017, 13:38
Azərbaycanda ən yaxşı və ən pis özəl universitetlər bunlardır - SİYAHI - 21 Avqust 2017, 13:27
Nazirlik insanlara xəbərdarlıq etdi - Hava proqnozu - 21 Avqust 2017, 13:23
“Premium Clinic”in baş həkimindən Baş prokurora şikayət - 21 Avqust 2017, 13:13
"Neftçi"nin baş məşqçisi istefa verdi - 21 Avqust 2017, 12:47
Yaşar Nurinin qızı müğənni oldu - FOTOLAR - 21 Avqust 2017, 12:27
Bakıda 5 yaşlı oğlunu boğaraq öldürən qadın: "İsa peyğəmbəri əvvəllər görmüşdüm" - 21 Avqust 2017, 12:24
Azərbaycan vətəndaşından 2 milyon dollarlıq qızıl tutuldu - 21 Avqust 2017, 12:17
Sürücünü tapança ilə hədələyən şəxslə bağlı yeni xəbər - Kimliyi bilindi - 21 Avqust 2017, 12:15
Tanınmış azərbaycanlı sehrbaz qəzada öldü - FOTO - 21 Avqust 2017, 11:59
Bütün xəbərlər >>


Ünvan: Bakı şəhəri, Zərifə Əliyeva küçəsi 32, Ofis 10
Bizim email ünvanımız: [email protected]
Əlaqə nömrəsi
012-493-13-65
077-270-01-10